بازگشت
د شپونکو بیم
ع: پویان ع: پویان

ما د پامیر له لوړو څوکو ځنې                                               

خوږې وږمې، ښکلې غنچې ټولې ګړې                                    

ما د بابا د غره شپونکو لپاره                                                 

څوڅو  د مینې ترانې  جوړې  کړې

                                         

ما د شپونکو د شپیلۍ بیم آوریده                                             

چې  حکایت  یې  د  ګداذ کولو                                                

ما وې دا بیم دی، که د زړونو شور دی                                  

نو  شپونکو  ما ته داسې راز ویلو

                                           

دا بیم خو نه دی،  دا  زړونو شور دی                                      

په کې خوندې د پاکې مینې ؤر دی                                          

دا هسکې سیمې د بابا لمنې                                                    

زما او ستا د نیا ګانو کور دی

                                                

  ما وې شپونکیه ولې غلی ناست یې                                        

تاو را تاو غروته شپیلۍ ؤغږوه                                        

ګوره چې غلې نه شي ستا سندره                                     

مړاوې زړګو ته شپیلۍ  ؤغږوه

                                       

شپونکیه واوره، د زړه چیغې واوره                                

راته په بیم کې شرابونه را وړه                                      

زړه کې مې بل د پاکې مینې ؤر کړه                               

راته انګار کې کبابونه را وړه

                                       

ستا ملګرتوب کې زه خوشحاله یمه                               

راته د مینې ترانې ؤبوله                                               

راته غزل ؤبوله، شعر ؤبوله                                         

راته په غوږ کې افسانې ؤبوله

 

کابل سهیل لور ته د موسهي شاخ برمتې د غره

څوکې  ۱۳۸۴ لمریز عنایت الله پویان

                                        

 یادونه: د [بیم] یا شپیلۍ اواز چې ځنې خلک یې[بین] بولي د درمندونو د څپرکولو په وخت کې د شپې له لورې غږول کیږي

 زه نه پوهیږم چې د [بین] کلیمه به سمه وي او که د [بیم] په دغو خبرواو لغتونو زیار صیب پوره پوهیږي- خدای بښلي نیکه مې راته و یلې په پخوا زمانو کې به  د غوایې په ښکر کې  د درمندونو د پاسه د بیم ساز غږول کیده او اوسني  خلک د شپیلۍ غږ ته بیم وایي  


November 25th, 2011


  برداشت و بازنویسی درونمایه این تارنما در جاهای دیگر آزاد است. خواهشمندم، خاستگاه را یادآوری نمایید.
 
بازگشت
شعر،ادب و عرفان